Henr’ accep’ in uxore’ filiam count’ P’vincie.Statutu’ Merton.
In this yere, the morwe after seynt Hiller day Edmond the erchebisshop of Caunterbury spoused the kyng and dame Elianore the erles doughter of Provynce togidere at Caunterbury; and on the viij day of seynt Hillar sche was crowned at Westminster, and thanne the statut of Mertone was mad.
This yere on seynt Botolf even was borne Edward the kyngessone.Trantesime parte.It’m in cest an prist le roy en son eide le xxxmedes moebles p’ tout la terre.
REX HENRICUS T’CIUS. [1238-1242.]
Eod’m anno d’n’s Simon Mountfort desponsavit Alianoram sororem d’m reg’ H. et comitissam Pembr’. Et anno sequ’ fecit d’c’m d’n’m comitem Leyc’.Edwardus long’ femorib’.Et eodem anno,i.e.anno iiijtonatus fuit filius eius Edwardus, int’ ip’m et Alianoram reginam, qui postea vocab’ Edwardus longis femorib’.
Seynt Poules was halwed.
In this yere seynt Poules chirche was halowed.
Obiit Rog’us ep’us London’.
This yere deide Rog’ bysshop of London: and William of the Marche was drawen and hangyd.
In this yere seyled the kyng on the see ryally to Burdeux.
The plees of the crowne.The kyng did cu’ frome Burdeux.
This yere the kyng com into Engelond fro Bordeux; and the plees of the crowne were pletyd in the tour of London beforeWilliam of York, Richard Paschelewe, Herry Braha and Jerome of Saxton, justices. Also werre began betwen the kyng and Thlewelyn prince of Walys; also Griffith Thlewelyn sone fel out of the tour of London and brak his nekke.
REX HENRICUS T’CIUS. [1243-1246.]
This yere Mich’ Tony meire of London, and Nicholl Batte schirreve, were convicte before the kyng of periuracion be the othe of alle the aldermen, for as muche as Nicholl Batte lefte schirreve over his yere; wherefore Michael Tony was deposed fro the meiralte and Nich’ Batte fro the schirevehod, and another chosen as it is aforeseid.
Renovacio Westm’.
Eod’m anno idem rex renovavit eccl’iam Westm’ ult’ med’m p’ unam archam. And this same yere was seynt Edmond of Pounteney translatyd.[5]
Mon’ de Hayles.
Eod’m anno s’c’us Edmundus fuit canonizatus eciam frat’ reg’ H. et comes Cornub’ inceptfundamentu’ monast’ij de Hayles.[6]
REX HENRICUS T’CIUS. [1247-1252.]
In this yere, the Thorsday before the feste of Simond and Jude was a gret wynd and an horrible tempest whiche dede muche harme thorugh all Engelond; and Lodowyke the kyng of Fraunce tok Damaske the iiij kal. of Juyne.
Ordre of frere Austyns began.
In this yere of oure lord a mlccl began the ordre of frere Austyns; also in this yere the kyng wente into Scotlond to marie his doughter to Alisaundre the kyng of Scottes.
vijliis allowed for the office of the schirrefs of London.
This yere the kyng graunted be his chartre on the xij daye of Juyne, that the schirreves of London schulde yerly ben allowed in the Eschequier for there office of the schirrevehood vijli. Also that after the meire be chosene he schulde be presented to the barons of the Escheker. And in this yere the kyng schipped at Portesmouth toward Burdeux.
REX HENRICUS T’CIUS. [1252-1256.]
This yere the quene, and Edward here sone, and Boneface the erchebysshop of Caunterbury sailed over the see toward Burdeux. Also this yere, the day of St. Paulyne the bysshop, fell manye mervailes be the watres of the see, as full grete hete and droughte.
In this yere Edward the kynges sone spoused the kynges suster of Spayne. Also in this yere the kyng com from Burdeux thorugh Fraunce, and arryved at Dovore on Cristemasse day: and on seynt John day he com to London, and enprisoned the schirreves in the tour of London a monyth and more, for on John Frome that was undyr there warde whiche escapyd out of Newegate, the whiche John was taken in warde for the deth of a priour that was the kynges alye; and new schirrefs mad, as it folowith.
Obiit R. Grosted ep’us Lincoln’.
This yere deyde Robert Grostede bysshop of Lyncoln, in the vij idus of Octobre. And in this yere, the Soneday before the translacion of seyntEdward, the wyf of Sr. Edward the kynges sone com into Engelond and to London; and Sr. Edward com hymself on seynt Andrew evene to London.The crucifienge of a child.And in this yere a litell child called Hughe of Lincoln was taken of Jewes and crucified.
REX HENRICUS T’CIUS. [1256-1258.]
Eodem anno fuit Ric’us comes Cornub’ et frat’ reg’ H. coronatus in regem Almiaine.
Ric’ comes Cornubie elect’ est imp’ator.
In this yere Ric’us erle of Cornub’ was chosen emperor; and Thlewellyn prynce of Walys held werre ayens the kyng. Also this yere, abougte the convercion of seynt Poule,A gret compleynt made to the kyng of the citee of London.tydynges comen to the kyng that the cite of London was nought trewly, no in due maner gowerned: wherupon was mad an inquisicion be xxvj men of every warde; and John Mauncell, examyned be the kynges counseill, tolde the tale for alle the companye, and seyde that Richard Hardell mair, Robert Catelongre schirreve, John Tholesone, Nich’ Batte, Nich’ Fitz Jocy, Mathew Bokerell, John le Meynoure, Arnold Tednore, and Herry Walmode, aldermen, were worthy to be prevyd of there offices, and never after to bere stat in the citee.The parlement at Oxon.Also in this yere after Trynyte Sonedaye was the parlement at Oxenford, where aroos a gret discord betweye the barons on the too partye, and Audymere eslyte of Wynchestre, William Valence, Geffrey of Wynchestre, and the kynges brethren, on the otherpartie, for divers trespaces and transgressions; wherefore the kynges brethren were somond to come to the parlement at Wynchestre; and whanne the parlement was begonne, the forsaid kynges brethren wolde nought obeye to the lawe; wherfore two of them weren exiled, whiche passed the see at Dovorre.
REX HENRICUS T’CIUS. [1258-1260.]
Scutagium.
This yere scutage was gadered in Engelond of every knyghtes fee xls.The same yere, the morwe after Al Sowlen day, Ric’ of Gravesende at Caunterbury was sacred bysshop of Lincoln be Bonoface erchebysshop of Caunterbury. And in this yere, that is to seye the yere of our lord a mlcclviij,Jewe.there fel a Jewe into a pryve at Teukesbury upon a Satirday, the whiche wolde nought suffre hym selfe to be drawe out of the preve that day for reverence of his Sabot day: and Sr. Richard of Clare, thanne erle of Gloucestre, herynge therof, wolde nought sufrre hym to be drawe out on the morwe after, that is to say the Soneday, for reverence of his holy day; and so the Jewe deyde in the preve.A quart’ of whete at xxiiijs.Also in this yere was a gret derthe of corn, for a quarter of whete was worth xxiiijs.And in this yere Richard the erle of Cornewaille was crowned emperour of Almayne.
In this yere, abougte Alhalwen tyme, the kyng with the quene,with other barons and lordes, seyled over the see to the kyng of Fraunce, and dwelled there half yere and more with gret honoure and love, so that he hadde no wil homward; but he was thretned be the co’e counsaill of Engelond that but if he come home here sounne they wolde chesyn them a newe kyng: and there was gret discord, and a rysynge betwen Edward the kynges sone and Richard thanne erle of Worcestre,[8]so that all Engelond was meved to werre; for whiche, a lytel before Whitsonday the kyng come into Engelond, an cam into London, and lay in the bysshopes palys of London besyde Poules, unto the tyme that pees was stablisched thorough alle Engelond.
REX HENRICUS T’CIUS. [1260-1263.]
Note:—That no record makes mention of an earle of Worcester in this time.
This same yere, abought the fest of the traunslacion of seynt Thomas, the kyng with the quene sailled over the see into Fraunce, and the erle of Worcestre[10]deyde.
The barons werres.
In this yere began the barons werres, in whiche there were many ful worthy lordes sclayn, and moche myschief and sorwe was that time in Engelond.
REX HENRICUS T’CIUS. [1263-1265.]
In this yere the town of Northampton was taken, and manye of the men that were founden withinne were sclayn, forasmoche as thei hadde ordeyned wyldefeer for to abrent the citee of London. Also this yere, after the purificacion of oure lady, the kynges litell halle at Westm’ with the chaumbre were brent. Also in this yere, at Whitsontyde, there aroos a grete discord betwen the kyng and his barons, and the bysshop of Hereford was taken and lad into Walys into a castell. Also in that discord Elianore the quene was foule repreved and almost sclayn upon London bregge: and after this, a litel before Mighelmesse, the kyng and the quene sailed into Fraunce, to the kynges parlement of Fraunce.
A parlement at Redyng.
This yere the kyng com fro Fraunce and held his parlement at Redyng, fro which parlement the kyng and the lordes departed in wrathe; and the kyng wente ayene to the parlement into Fraunce: and after this, for werre and defaute, the stretes of London were cheyned. And abought the purification of oure lady the kyng com home fro Fraunce;Barons werre.and the barons token the town of Northt’ the Satirday nest before Passion Sonday; and the Wednesday nest folwynge there were manye Jewes sclayn and distroyd. And in the morwe of seynt Pancras, in the monthe of May, was theBellum de Lewes.bataile of Lewes, betwen the kyng and thebarons of the reaume, in whiche bataile manye men were sclayn on both parties: and in this bataile the kyng was taken and Sr. Edward his sone, and Richard erle of Cornewayle and manye othere were lad into diverses castelles.Stella comata.And in the same yere appered stella comata whiche endured xv dayes.
REX HENRICUS T’CIUS. [1265-1267.]
In this yere Edwarde the kynges sone brak oute of warde of Sire Simond Mountford erle of Leycestre and of Hereford, and he wente to the barons of the March, and they reyceyved hym withe moche honour. And on the Satirday in the myddes of August he scomfited Simon of Mountford at Kelyngworth.Bellu’ de Evesham.And on the Wednesday nest after was the batall of Evesham; and there was sclayn Simond of Mountford erle of Leycestre, the lord Spenser, Sr. Rauff Bassett, Sr. Thomas Asteley, William Maundevyle, Sr. John Beauchamp, Sr. Guy Bailliof, Sr. Roger Roule, &c. and the barouns discomfited.[11]
In this yere Sr. John Savylle was taken with strong hond at Cesterfeld; atte whiche tyme the lord Ferrers fledde, and be a woman was betrayed in the chirche, and so taken. And Octobon the popes legat held a counseill at Northt’, where he accursed alle thoo that stoden with the erle of Leycestre Simond, or hym helpith or favoureth.
REX HENRICUS T’CIUS. [1267-1270.]
The greate Caem.
This yere, that is to seye the yere of oure lord a mlcclxvij, began the empire of Tartaryn, the whiche emperour is called the grete Cane; and he is now holden grettest and most myghty lord of alle the world. In this yere the kyng held his parlement at Marleburgh, in the octaves of seynt Martyn, where, be the assent of alle the nobles and choson comoners of Engelond, were mad the statuts called the Statuts of Marleburgh.
This yere Octobouns the popes legat held his counseyll at seynt Poules in London.
T’us s’c’i Edward.
This yere the kyng lete translate ayeyne the body of seynt Edward into a precious schryne; and there weren alle the lordes spirutuelx and temporelx of Engelond. And in the xvj day of March the kyng ordeyned that no man schulde gon ought of the citee of London be water no be londe to regrate onyHoc Aoconcessit civib’ Londo’.vitaile. Also in this yere after Estren the kyng graunted to the citezens of London alle there liberties and fraunchises. And on the morwe of seynt Lucye the virgyne wasT’re mot’.gret erthequake aboughte evesong tyme.
REX HENRICUS T’CIUS. [1270-1272.]
In this yere Edwarde the kynges sone, in the feste of Philip and Jacob, tok his vyage into the holy lond with manye othere grete lordes bothe of Engelond and of other londes.
Bowe stepil fil doun.
In this yere, the V kal. of Feverer’, the yere of oure lord a mlclxx, the stepil of the chirch of seynt Marie at the Bowe fel down in Chepe, and perysshed moche peple.The Sowdon sente l’res to Edward the kynges sone be a Sarasyn, whiche wolde a sclayn the said Edward, whiche Edward strangled the Sarasyn.And in this yere Edwarde the kynges sone was wounded of a Saresyn at Acres, whiche broughte hym lettres fro the Sowdone, the whiche Sowdone menynge tresone hadde sent the same Sarasyn with the lettres unto the said kynges sone Edward, whiche for hete of the contrey eyre satt on a bedde in his doublet, and opened them. Whiles the lettres weren in redynge, the said Sarasyn, knelynge befor hym, drowe out a knyf yvenymed, and wolde have smyten the sayd Sr. Edward in the bely, and failed; but he smot hym in the arm and eft ayeyne in the foot: whiche Saresyn he stranglyd betwen his too handes to the deth; and sithens he was cured therof, blessyd be God. Also in this yere the said Sr. Edward comynge hom thorough Fraunce, he dede the tornement at Chalons, whiche was proposed for his distruccion for envye.
The schirreves were deposyd for takynge mede of the bakers.
These two scherreves were convict before the barons of theEscheker, in the fest of seynt Andrew; forasmoche as they token mede of the bakers of London, and wolde nought leten them be corrected and justified: wherefore they were deposyd of there offices; and in there stedes were seet John Bedle and Richard Parys. And in this yere, on seynt Edmondes day the bisshope, in the yere of oure lorde a mlcclxxij, kyng Herry the thridde deyde, and rially was beryed at Westm’.
NOMI’A MAIOR’ ET VICECOM’ TEMPORE REG’ EDWARDI PRIMI FILIJ REG’ HENR’ T’CIJ, QUI INCEPIT REGNARE IN C’STINO S’C’I ED’I ARCHIEP’I ANNO D’NI MILL’MO DUCENTESIMO SEPTUAGESIMO S’C’DO.
REX EDWARDUS PRIMUS. [1272-1273.]
This yere Thlewyne the prynce of Walys rebelled ayens the kyng; and the kyng scomfited hym in bataile, and drof hym to so muche myschief that he cam and yeld hym, and paied to the kyng l mlmarc of silver for to have his pees, and made hys othe for to comen to the kynges parlement too tymes in the yere. Eod’m anno f’res in vestimentis saccor’ in exules mitabant’. It’m stat’ erat concessum p’ bigamis; it’m p’ p’sonis p’motis non consecratis ad eccl’ias.
This yere, that is to sey the yere of oure lord a mlcclxxiij, the xiiij kal. of Septembre, the kyng Edward was crowned at Westm’ of Robert Kilward thanne erchebysshop of Caunterbury. Also in this yere the kyng confermed to the citezeins of London alle there liberties and fraunchises.For chastyse bakers and mellers.Also he yaf them a chartre for to chastyse bakers and mellers; that is to seye, for bakers that make nought breed after the assise, and for mellers that stelen mele and corne, the herdell; and for nyght walkers the toune. Et eod’m anno reveniebat a t’ra s’c’a et coronabat’ cu’ sua regina Alianora filia reg’ Hispanie apud Westm’.
REX EDWARDUS PRIMUS. [1274-1276.]
In this yere the kyng helde his parlement at Westm’; and at Estre next suynge he sente be his lettre to Thlewelyne prynce of Walys that he schulde comen to his parlement: wherof Thlewyne hadde gret dispite, and rebelled ayeyne: and thanne the kyng made newe werre to Walys so scharply that of verry nede the prynce of Walys yald hym to the kyng; and longe tyme he knelyd before the kyng, and the kyng dede hym grace.Tr’e motus.And in this yere, the day of seynt Parthi and Racmeti was a grete erthe quake aboughte the houre of prime.
And in this yere of oure lord a mlcclxxv, Mich’ Tony, for manye trespasces and defautes be hym in the werre tyme done, he was accused, jugged, and dampned, and was drawen and hanged.
REX EDWARDUS PRIMUS. [1276-1279.]
The remevyng of the kynges benche and the Eschqer to Schrovesby.
In this yere, in the fest of seynt Michell, the kynges benche and the echeqer were removed fro Westm’ to Schrovesbery, and in the xv day of seynt Hillere next folwynge thei were brought ayeyn to Westm’.
Rex Scotie veniebat ad p’liamentu’ R’.Jewes and Englisshmen weren arested for clippyng of money and for byenge of plate of silv’.
In this yere of oure lord a mlcclxxviij, the kyng of Scotlond come to the kynges parlement at London. Also in this yere, the viij day of seynt Martyn, alle the Jewes of Engelond were taken for clippyng of money: and in the feste of seynt Lucie alle the goldsmythes of London, and alle thoo that kepten the Change, and manye other men of the citee weren arested and taken for beyenge of plates of sylver, and for chaunge of grete money for smal money, whiche were indited be the wardes of the citee. And on the Monday next after the Epithanie the justyces setene at the Yeldhalle to make delivreaunce; that is to seyn, Sr. Stephen of Pencestre, Sr. John of Cobham, and other which that them lust to assocye to them.The hous of the Frere P’chours was founded at Castell Baynard.The town of Boston was brente 1275 [In a modern hand].And there were forjugged and drawen and hanged iij Englyssh Jewes.[12]And in the same yere the hous of the Frere Prechours began to be founded at Castell Baynard. Also Robert Kylwardby the erchebysshop of Caunterbury in this yere was mad cardenall,and frere John Pecche, a Frere Menour, was thanne made erchebysshop of Caunterbury. And in this yere the town of Booston was brent.
REX EDWARDUS PRIMUS. [1279-1283.]
Hafpence and q’ were first mad.
In this yere the kyng made newe money of silver called half penys and farthynges, alle rounde, of whiche were none sen before. Also in this yere upon seynt Denys day felA gret snowe.a gret snow, of whiche cam grete floodes and huge. Eod’m anno s’c’us Hugo Lincoln’ ep’us t’nslatus fuit.
This yere Martyn the forthe was sacred pope at Rome.
The werre aroos betwen the kyng and the prynce of Walys.
In this yere the werre aroos ayeyne betwen the kyng and the prynce of Walys upon Palm Sonday; on whiche day David the princes brother tok Sr. Roger Clyfford at Hawardyn, and sclowe and tok manye of his mene, and beseged the castell of Flynt and Rothelan, and tok the toun of Claupautern[13]and caste adowe the walles.
Prynce of Walys sclayn.
In this yere the kyng with a gret oost wente into Walys andremeved and brak the sege of the castell of Flynt and Rothelan. And in this yere in the iij idus of Decembre, Thlewelyn prince of Walys was sclayn, and his hed smyten of be Sr. Edmond Mortymer, and sente it to the kyng, whiche that tyme lay at Rothelan; and the kyng sente it to London, and comaunded that it schulde be sett upon the tour of London. And that said prynce of Walys before or he was sclayn, come into the landes of the forsaid Sr. Edmond Mortymer, and occupied manye of hise lordschippes, wherfore the said Sr. Edmond manly with meyne fillen on hym as it is before seyd. And it was seid that yif the forseid prince hadde lyved too dayes longere than he dede, alle the Walssh tonge hadde holly ben enclyned to hym. And in this yere, on seynt Leonard day, Sr. Roger Clyfford the yonger was droughned betwen Snowdon and Englessey, and manye othere also, whiche because there myghte nought abyde the comynge of the Walsshe men, unwysly, withoughten hors, passed the bregge of Penbroke.[14]S’cus Thom’ Hereford’ ep’us obiit.Also in this yere deide seynt Thomas the bysshop of Hereford, whiche was called Thomas Cantel’. After hos disses succedyd into the bysshopriche, Richard of Swynfeld.
REX EDWARDUS PRIMUS. [1283-1284.]
The brother of the prynce of Walys was taken and afterward hanged.
In this yere aboughte the feste of Natyvyte of seynt John Baptiste, David the brother of Thlewelyn was taken and holden in pryson at Rothelan, unto the fest of seynt Mighell, and thanne lad to Schrovesbury, and there he was dampned to be ded; and first he was drawen thorugh the citee with hors untothe galowes, thanne hanged, and afterward beheded; and thanne his bowels brent, and the laste his bodye quarterd in iiij quarters, whiche were sent to be sett up in iiij parties in Engelond; and be the kyng comaunded that his hede schulde be seete on the tour of London. And fro that tyme forth the kyng occupied alle the lond of Walys. And thanne he dyvyded it into schires and hundredys, in maner as it is in Engelond; and at Abbercouewe[15]he made a gret and a strong castell, fro whiche place the monkes of Cisteux remeved; and in another place a mancion edified for them. He made there a fair toun, and he lete make the castell of Carnarvan in Snowdon, where that his sone was born: and also he lete make the castell of Plaupautuvouc.[16]The kyng of Aragon occupied the kyngdom of Cecile, and put out kyng Charles.And also in this yere Petir kyng of Aragon occupyed the kyndom of Cecilie, ant putte out kyng Charles, whiche anon after mad an ende of hys lyf; wherfore the pope Martyn accursed the said Petir, and the kyngdom of Aragon he yaf to the kynges sone of Fraunce. And in this yere aroos werre betwen the kyng of Fraunce and the kyng of Spayne; and the kyng of Fraunce with a gret ooste wente into Spayne, whiche dede nothyng worthy to be preysed.Laur’ Doket was hangen in Bowe chirche.Also in this yere Reynold of Lanfare,[17]Robert Pynot, Poule of Stebenhithe, Thomas Corewener, John Tholosan, Thomas Russell, and Robert Scot, weren accused of the deth of Laur’ Doket, whiche was hongen in Bowe chirche: and they were dampned, drawe, and hanged; and on Alyce a woman was brent for the same cause: and Rauf Crepyn, JordanGret conduyt in Chepe.Goodcheppe, Gilbert Clerk, and Geffrey Clerk, weren atteynt and sent to prison into the tour of London. Also in this yere the grete conduyt in Chepe was newe begonne to maken.
REX EDWARDUS PRIMUS. [1284-1287.]
The fraunchise of London is sesed into the kynges hond.
This yere upon seynt Petyr day and Poule the fraunchise of London was sesed into the kynges hand; forasmoche as Gregory Rokesby maire yelde up the seal at Berkynge chirche, and toke it to Rauf Asshewy; and thanne was Rauf Sandwych mad wardeyn of the citee. And in this yere the kyng of Fraunce wente into Aragon with a gret powere.Edward the kynges sone was born.Also in this yere Edward the kynges son was borne.[19]And the kyng dwelled in Walys tyl ayens Cristemasse, and he held his Cristemasse at Bristoll.
This yere kyng Philipp of Fraunce com out of Aragon, where he loste the most part of his oost, and deyde: and Philipp his sone was crowned kyng in the feste of the Epithanie. And in this yere deyde kyng Petyr of Aragon. Also in this yere, in the feste of the Nativite of oure lady, Sr. Edmond Mortymer receyved the ordre of knyghthod of kyng Edward at Wynchestre. Also, this seid Sr. Edmond wedded Margarete the doughter of Sire William de Fowles,[20]cosyn to the quene, atAdditamenta Glouc’.London. And in this yere were mad at London, the statutes whiche ben seid additamenta Glouc’.
Alle the Jewes of Ingelond were put to a gret tribute.To hym was rendred certeyn lond.
In this yere, alle the Jewes of Engelond were put to a grettribute, to be payed to the kyng. Also this yere the kyng passed the see into Fraunce, aboughte the Invencion of the Holy Cross; and of the kyng of Fraunce he was worthyly resceyved, and so yorned a certeyn time with the kyng of Fraunce at Parys, whiche yald up certeyn londes of Gascoigne to the kyng Edward, whiche long tyme hadde wrongfully be withholden out of his handes.Grete haylstones.Also in this yere, in the March of Walys fel the grettest hailstones that evere were seyn in that countre, whiche dede grete harme to beestes and to houses and to corn.
REX EDWARDUS PRIMUS. [1287-1290.]
This yere seynt Thomas of Hereford was translatyd. Also, aboughte Pentecost, Rys ap Geredith began partie ayeyns the kynges pees, and werred in the kynges londes.