BONNIE JOANNAND OTHER POEMSBONNIE JOANN
BONNIE JOANNAND OTHER POEMS
We’ve stookit the hairst an’ we’re needin’To gaither it in,Syne, gin the morn’s dry, we’ll be leadin’An’ wark’ll begin;But noo I’ll awa doon the braesideMy lane, while I can—Wha kens wha he’ll meet by the wayside,My bonnie Joann?East yonder, the hairst-fields are hidin’The sea frae my een,Gin ye keek whaur the stocks are dividin’Ye’ll see it atween.Sae douce an’ sae still it has sleepitSince hairst-time beganLike my he’rt—gin ye’d tak’ it an’ keep itMy bonnie Joann.Owre a’thing the shadows gang trailin’,Owre stubble an’ strae;Frae the hedge to the fit o’ the pailin’They rax owre the way;But the sun may gang through wi’ his beamin’An’ traivel his span,For aye, by the licht o’ my dreamin’,I see ye, Joann.Awa frae ye, naebody’s braver,Mair wise-like an’ bauld,Aside ye, I hech an’ I haver,I’m het an’ I’m cauld;But oh! could I tell wi’out speakin’The he’rt o’ a man,Ye micht find I’m the lad that ye’re seekin’,My bonnie Joann!