xxiiii Texte.
La deesse ceres resembleQui les bledz donne & nul n’embleAinsi doibt estre abandonnéBon chevalier bien ordonné
La deesse ceres resembleQui les bledz donne & nul n’embleAinsi doibt estre abandonnéBon chevalier bien ordonné
La deesse ceres resemble
Qui les bledz donne & nul n’emble
Ainsi doibt estre abandonné
Bon chevalier bien ordonné
xxiiii Glose
Ceres fut une dame qui trouva l’art de arer les terres car devant semoient les gaignages sans labourer. Et pour ce que plus abondamment porta la terre apres ce que elle eut esté aree disrent que elle estoit deesse des bledz et la terre nommerent de son nom. Si veult dire que ainsi comme la terre est abandonnee et large donnerresse de tous biens/ doibt estre aussi le bon chevalier a toutes personnes abandonné/ et donner son ayde et reconforter selon son pouoir. et dit aristote. Soies liberal donneur & tu acquerras amis.
xxiiii Allegorie
Ceres a qui doit ressembler le bon chevalier prendrons pour le benoit filz de dieu/ que le bon esperit doibt ensuivir qui tant nous a largement donné de ses haultz biens. Et en luy doit estre creu fermement/ sicomme dit le second article que dit sainct Jehan ou il dit.
Et in jesum christum filium ejus unicum dominum nostrum.
Et in jesum christum filium ejus unicum dominum nostrum.